Түркиядағы президент сайлауының екінші кезеңі аясында шет мемлекеттерде дауыс беру басталды

Түркиядан тыс жерде тұратын ел азаматтары сенбіден бастап президенттік сайлаудың екінші турына дауыс бере бастады. 73 елде 167 сайлау учаскесі ашылды, - деп хабарлайды Massaget.kz тілшісі Anadolu басылымына сілтеме жасап.

Түркияның шет мемлекеттердегі өкілдіктерінде дауыс беру мерзімі 24 мамырға дейін жалғасады.

Сайлау республиканың шекарамаңы пунктерінде жер үстіндегі бақылау-өткізу бекеттерінде, әуежайлар мен теңіз айлақтарында 28 мамыр, сағат 17.00-де аяқталады.

Бюллетеньдерді Анкараға жоғары қауіпсіздік режимін сақтай отырып, дипломатиялық курьерлер жеткізеді.

Дауыстарды санау 28 мамыр, сағат 17.00-ден кейін – Түркияның өз ішінде дауыс беру аяқталған уақытта басталады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!