7 және 9 мамырда қазақстандықтар Қытай шекарасынан өте алмайды

7 және 9 мамырда Қазақстан-Қытай шекарасындағы автомобиль өткізу пункттері жұмыс істемейді, - деп хабарлайды Massaget.kz тілшісі.

Мереке күндеріне байланысты 2023 жылғы 7 және 9 мамырда Қазақстан-Қытай шекарасындағы автомобиль өткізу пункттерінде тұлғаларды, көлік құралдары мен жүктерді өткізбейді. Бұл туралы Мемлекеттік кірістер комитетінде хабарлады.

Қазақстан-Қытай шекарасындағы теміржол өткізу пункттері штаттық режимде жұмыс істей береді.

"Тасымалдаушылардан және шекараны кесіп өтуге барлық ниет білдірушілерден енгізілген шектеулерді ескере отырып, өз бағыттарын алдын ала жоспарлауды сұраймыз", - делінген хабарламада.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!