Абай облысының Бесқарағай ауданының Қоянбай ауылының тұрғындары жер астынан көне құран кітабын тауып алды, - деп хабарлайды Massaget.kz тілшісі «Qazaqstan» ұлттық телеарнасына сілтеме жасап
Олар үй ауласында шарбақ орнату үшін шұңқыр қазғанда көне жәдігердің үстінен дөп түскен. Құранның біраз бөлігі күрек тиіп бүлінген. Ал қалғанын тұтас күйінде аршып алған.
Кітаптың қай ғасырға тиесілі екені әзірге белгісіз. Бірақ, әбден ескірген беттерінен жазулар анық көрінеді. Тапқандар оны енді зерттеу үшін мамандарға беруге дайын. Жәдігер шыққан маңда ертеде мешіт болған деген болжам бар.
"Сондықтан жер астына өзге де құнды заттар жасырылған болуы мүмкін" дейді ауыл тұрғындары.
Айбын Алтай
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!