Түркия президенті Режеп Тайып Ердоған сырқаттанғаны туралы хабардан кейін барлық қоғамдық шараны тоқтатты, - деп хабарлайды Massaget.kz тілшісі Deutsche Welle басылымына сілтеме жасап.
Басылым мәліметінше, Ердоған 26 және 27 сәуірдегі күнтізбесіне асқазан ауруымен ауырғаннан кейін өзгерістер енгізген. Түркия басшысы Twitter-парақшасында үйде демалатынын хабарлады.
"Бүгін дәрігерлеріміздің кеңесімен үйде демаламын. Өкінішке қарай, бүгін Қырыққале, Йозгат және Сивастағы ағаларыммен бірге жинала алмаймыз. Ертеңнен бастап іс-шараларымызды жалғастырамыз", - деп жазды ол.
Ердоған бүгін жоспарланған барлық іс-шарада вице-президент Фуат Октай болатынын атап өтті. Түркия президенті де өзіне денсаулық тілеген ел азаматтарына алғыс айтып, дұға бағыштады.
Ердоған 27 сәуірде Мерсиндегі митингіде сөз сөйлеп, Түркияның оңтүстік жағалауында Ресейдің мемлекеттік атом энергетикалық компаниясы Росатомға тиесілі және басқаратын Түркияның бірінші атом электр станциясын ашады деп жоспарланған болатын. Оның орнына Ердоған атом электр станциясының ашылуында Ресей президенті Владимир Путинмен бейнебайланыс арқылы сөз сөйледі. Түркия президенті келесі айда өтетін сайлауда өзінің 20 жылдық билігін ұзартпақшы.
Еске салайық, бұған дейін Түркиядағы бұқаралық ақпарат құралдары 26 сәуірде Режеп Тайып Ердоғанды қолдауға арналған митингінің бәрі тоқтатылғанын, қазір президент ауруханаға жатқызылғанын жазып жатқанын хабарлаған едік. БАҚ мәліметінше, Ердоған инфаркт алған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!