Павлодар облысындағы интернаттың тәрбиешілері оқушыларды төбелестіріп қызықтаған

Павлодар облысындағы арнайы мектеп-интернатының тәрбиешілері ақыл-есінде кемістігі бар оқушыларды төбелестіріп қойып, қызықтап отырған. Бұл ата-ана шағымынан соң әшкереленді, - деп хабарлайды Massaget.kz тілшісі КТК телеарнасына сілтеме жасап.

Жергілікті тұрғынның сөзінше, интернат тәрбиешілері тәртіпке бағынбаған оқушыларды ересектеріне ұрғызған. Ол жайында жәбір көрген қыз анасына айтып беріпті. Ал монитор арқылы қыздардың жаға жыртысқан сәтін тамашалағандардың арасында мекеме басшысы да бар көрінеді.

Бірақ білім басқармасы бұл деректі теріске шығарды, тіпті оқушылардың не үшін төбелескенін да түсіндіре алмады. Қазір бұл іспен полиция айналысып жатыр.

"Білім басқармасымен қызмет тексерісі жүріп жатыр. Мектеп интернаты мен тәрбиешісі тәртіптік жазаға тартылды. Сонымен қатар аталмыш оқиға бойынша Тереңкөл ауданының полиция бөлімінде бұл жағдай тіркелді", - деді Павлодар облысы білім басқармасының бас маманы Жібек Айтмұханбетова.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!