Ресейде қазақстандық рэпер Jah Khalib (Бахтияр Мамедов) Мәскеу мен Санкт-Петербургтегі концерттерін тоқтату ұсынылды, - деп хабарлайды Massaget.kz тілшісі.
"Справедлиявая Россия" партиясының депутаты Яна Лантратова Ресей билігінен рэпердің соғысқа қарсы айтқан сөздеріне қатысты Мәскеудегі концерттерін болдырмауды ұсынған. Бұл туралы ол Telegram-арнасында айтты.
Ресейлік рэпер және журналист Аким Апачев те ВКонтакте желісіндегі парақшасында Jah Khalib-тің концерттерін болдырмауға шақырған.
"Мәскеуде Jah Khalib - Украинаны қолдайтын қазақстандық рэпердің екі концерті биыл өтеді. Ау! Бәлкім, Кремльде бірден Зеленскийдің концертін өткізерсіңдер? Жаудың аты - жау, ол бір концертке бола дос болып қалуы екіталай", - дейді ол.
Қазақстандық рэп орындаушы 23 сәуірде Мәскеудегі Crocus City Hall және 25 сәуірде Санкт-Петербургте концерті өтуі керек.
Айта кетейік, Jah Khalib (Бахтияр Мамедов) - ТМД елдері арасында танымал қазақстандық рэп орындаушы.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!