Украинадағы соғыс кезінде 469 бала қаза тапқан

Сәуірдің 15-індегі жағдай бойынша Украина мен Ресей соғысы салдарынан кем дегенде 469 бала қаза тапқан, деп хабарлады Украинаның бас прокуратурасы.

Сот таратқан мәлімдемеге сәйкес, 948-ден астам бала әртүрлі дәрежедегі дене жарақатын алған.

Бас прокуратура бұл сандар нақты емес, өйткені соғыс қимылдары болған жерлерде, басып алынған және азат етілген аймақтарда тергеу жұмыстары жүргізіліп жатқанын айтты.

Бұған дейін Украина билігі Авдийевкадағы балаларды күштеп эвакуациялағалы жатқаны хабарланған болатын.

"10 сәуірден бастап қалада қалған балалар Донецк облысындағы Авдийевкадан күштеп шығарылады", - деп хабарлады қала әскери басқармасының басшысы Виталий Барабаш.

Украина ұлттық полициясының хабарлауынша, Авдийевкада төрт бала қалды, екеуі іздестіріліп, отбасын эвакуациялауға көндіру жүріп жатыр.