Алаяқтар KASE Қазақстан қор биржасының жалған веб-сайтын жасап, брокерлердің атынан ақшаларын тиімді инвестициялауды ұсынып жатыр, - деп хабарлайды Massaget.kz тілшісі.
KASE баспасөз қызметі мәліметінше, олар өз жарналамаларында KASE логотипін немесе KASE қызметкерлерінің суреттерін пайдаланып, жалған сайттар құрады. Жақында Желіде пайда болған жалған сайт: https://kasekz2022.tilda.ws
Ал KASE-нің ресми сайты: https://kase.kz.
"Биржа азаматтарды қырағы болуға және қаскүнемдердің қулықтарына түспеуге шақырады. KASE ресми түрде биржаның немесе оның қызметкерлерінің тікелей қатысуымен биржалық нарықтарда бағалы қағаздарды немесе басқа активтерді сатып алу үшін жеке немесе заңды тұлғаларға ешқашан өз қызметтерін ұсынбайтынын мәлімдейді", - делінген хабарламада.
Ведомство мәліметінше, KASE сауда-саттықты ұйымдастырушы саналады және тек қаржы ұйымдарымен (банктермен және брокерлік ұйымдармен) тікелей өзара іс-қимыл жасайды, оларға биржаның сауда-саттық жүйесіне қосылуға, өтінімдер беруге және мәмілелер жасауға мүмкіндік береді. Биржаның сауда-саттық жүйесіне тікелей қосыла алатын және онда мәмілелер жасай алатын ұйымдар - биржаның мүшелері.
"Брокерлік ұйымдармен байланыста болған кезде абай болыңыз. Олар - жеке инвесторларға қызмет көрсетеді және жеке клиенттердің атынан биржаның сауда-саттық жүйесінде операциялар жасай алатын брокерлік ұйымдар. Бұл жағдайда алаяқтар көбіне осындай ұйымдардың атынан әрекет етеді", - делінген хабарламада.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!