Шымкент зообағында Умка дейтін қонжық дүниеге келді

Фото: Шымкент зообағы

31 наурыз 2023, 01:15

Тянь-Шань ақ тырнақты қоңыр аюлары - лақап аттары Бимка мен Татьянаның былтыр желтоқсан айында қонжығы дүниеге келген, - деп хабарлайды Massaget.kz тілшісі Шымкент зообағына сілтеме жасап.

Қонжықтың лақап аты - Умка. Қазір анасы мен қонжықтың жағдайы жақсы.

"Ол анасының артынан қызығушылықпен еріп, былайша айтқанда, өзінің қоршауын зерттеп жатыр. Татьяна - өте қамқор ана, ол қонжығынан бір қадамға да алшақ кетпейді", - деп жазды зообақ әлеуметтік желілердегі парақшасында.

Бимка мен Татьяна Шымкенттегі зоосаябаққа 2016 жылы Алматы зообағынан әкелінген.