"Қазселденқорғау" мәліметінше, Алматының таулы аймақтарында бірден төрт қар көшкіні болды, - деп хабарлайды Massaget.kz тілшісі.
Түскен қар массасының жалпы көлемі - 1 500 текше метр.
"7 наурызда Үлкен Алматы өзенінің орта таулы аймағында жүргізілген барлау жұмыстары кезінде №4, 5, 6 және 7 қар көшкіні жиналатын орынға төрт рет қар көшкіні өздігінен түсті. Түскен қар массасының жалпы көлемі 1 500 м3 болды. Төмен түскен қар массасы бөктерге тоқтады, зардап шеккендер мен мерт болғандар жоқ, ештеңе қирамады", - делінген "Қазселденқорғаудың" Instagram-дағы парақшасында.
"Қазселденқорғау" 8-10 наурыз аралығында да қар көшкіні қаупі бар екенін ескертті.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!