Қазақстандықтар аспанда жарқыраған жұмбақ нысандарды байқады
Қазақстан аспанында жарқыраған жұмбақ нысандар байқалды, - деп хабарлайды Massaget.kz тілшісі Tengrinews.kz сайтына сілтеме жасап.
Алматы мен Атырау тұрғындары осы ерекше құбылыстың сурет-видеоларын редакцияға жолдаған. Атырау тұрғыны Аман Наурызғалиев ерекше құбылысты қалай түсіргенін айтты.
"1 наурызда кешке, шамамен 21:11-де балконға шығып, аспандағы екі шарға назар аудардым. Жұлдыздар шығар деп ойладым. Бірақ екі нысан қозғалғаны байқалды, түсіріп алайын дедім. Кейін нысандар сәл төмен түсіп, содан кейін толық жойылып кетті", - дейді Аман Наурызғалиев.
Екінші оқырман - Алматы тұрғыны. Ол белгісіз ұшатын нысандарды суретке түсірген.
"Олар аспанда, Алматының оңтүстік-батысында пайда болды. Олар бір-біріне жақындап, бірігіп, содан кейін алыстап кетті", - деді алматылық.
Айта кетейік, көршілес Қырғызстанда да аспандағы жұмбақ жарқыраған шарлар байқалған.
Посмотреть эту публикацию в Instagram
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова