Ақтөбеде мектеп өртеніп, мыңға жуық адам эвакуацияланған

Фото: ТЖМ

22 ақпан 2023, 11:32

Ақтөбеде мектеп өртеніп, мыңға жуық адам эвакуацияланған, - деп хабарлайды Massaget.kz тілшісі ТЖМ баспасөз қызметіне сілтеме жасап.

Ведомство мәліметінше, 22 ақпанда сағат 08:01-де 112 құтқару қызметіне Сәтбаев көшесіндегі №23 орта мектеп-лицейінде өрт шыққаны туралы хабарлама келіп түскен.

Ақтөбеде өрттен 890 оқушы мен 60 ересек адам эвакуацияланған. Зардап шеккендер жоқ.

Өрт сағат 08:12-де толықтай сөндірілген.