Аргентина құрамасының капитаны Лионель Месси командасының сапындағы маңызды ойыншыны атады, - деп хабарлайды Vesti.kz тілшісі.
"Хулиан Альварес Аргентина сапындағы ең маңызды ойыншы болатынына ешкім сенбеді. Ол өзінің деңгейін көрсете білді. Әлем чемпионатының барлық кездесуінде, соның ішінде, Хорватияға қарсы матчте керемет ойынымен есте қалды. Альварес - өте еңбекқор футболшы. Допты сезе алады. Тамаша шабуылдар ұйымдастыра алады. Ол - Аргентинаның бағына туған футболшы", - деді Месси Manchester Evening News басылымына берген сұхбатында.
Еске салайық, Катардағы әлем чемпионатының финалында Аргентина мен Франция құрамалары кездеседі. Аргентинасы осыған дейін 2014 жылы Бразилиядағы мундиальдың финалына шыққан. Алайда ол кезде Германия командасы экстра-таймда гол соғып, чемпион атанған еді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!