Ресейде түнгі клубтан өрт шығып, 13 адам қаза тапты

Ресейде Костромадағы "Полигон" түнгі клубында болған өрт салдарынан 13 адам қаза тауып, тағы бірнеше келуші зардап шекті, - деп хабарлайды Massaget.kz тілшісі РЕН ТВ телеарнасына сілтеме жасап.

Оқиға қарашаның 5-іне қараған түні болған. Клуб-мейрамхана ғимаратындағы өрт салдарынан 3,5 мың шаршы метр аумақтың шатыры опырылып түскен. 250 адам эвакуацияланды.

Куәгерлердің айтуынша, эвакуациялық шығу есіктері жабық болғандықтан, адамдар жалынға оранған ғимараттан шығып үлгермеген. Кафе бірден бірнеше бағыттан өртенген.

"Өрт қатты лаулады. Жалын өте қорқынышты болды. Клуб бірден бірнеше жақтан өртенді ... Клубтан шығатын жалғыз есік болды, бірақ ол жерден ешкім шыға алмады. Біз шыққан кезде бәрі шығып үлгерген: жартысы жолда, жартысы кіреберісте жатыр. Сұмдық болды", - деді куәгерлердің бірі.

Өртке ғимарат ішіндегі зымыран тасығыштан атылған оқ себеп болған деген болжам бар. Келушілердің бірі жанжалдасып, кейін ол қарсыласына оқ жаудырды (басқа нұсқа бойынша оқ бөлменің төбесіне бағытталған), клубты қою түтін басып, өрт шықты.

Кейін зымыран тасығыштан атқан адам ұсталды. Жігіт жасаған қылмысын мойындады. Ұсталған 23 жастағы Свердлов облысының тумасы Станислав Ионкин болып шықты. Baza telegram арнасының мәліметінше, ол Украинадан тамызда жараланып оралған.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!