Талдықорған тұрғындары жарылыс туралы хабарлады: зардап шеккен адам бар

Талдықорған тұрғындары жарылыс болғанын хабарлады. Жетісу облысы ТЖД өкілі ақпаратқа қатысты пікір білдірді, - деп хабарлайды Massaget.kz тілшісі.

Жетісу облысы ТЖД өкілі 22 қазанда сағат 05:50-де ЖШС аумағындағы Желтоқсан көшесінде газ жарылысы болғаны туралы хабарлама келіп түскенін айтты. Жарылыс жеке күзет дүңгіршегінде болған, 50 шаршы метр аумақта қабырғалар мен төбелер құлап, заттар өртеніп кеткен.

Сурет: Жетісу облысы ТЖД

Оқиға салдарынан 1982 жылы туған күзетшінің қолы мен бетін күйік шалған (алдын ала мәлімет бойынша, 10-12 пайыз), оның жағдайы тұрақты.

Газ кету себебі анықталып жатыр, оқиға орнында Талдықорған ТЖД және ТЖБ, сондай-ақ, "ҚазТрансГаз Аймақ" газ қызметінің мамандары жұмыс істейді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!