НАТО ядролық тежеу жаттығуларын бастайды
Бүгін, 17 қазанда батыстың 14 елі жыл сайынғы жоспарланып отырған ядролық қаруды тежеу бойынша "Тұрақты түс" оқу-жаттығуларын бастайды, - деп хабарлайды Massaget.kz тілшісі ұйымның ресми сайтына сілтеме жасап.
Жаттығуларға 60-қа жуық ұшақ, оның ішінде заманауи жойғыштар мен америкалық стратегиялық бомбалаушы ұшақтар қатысады. НАТО бұл оқу-жаттығулардың әлемде болып жатқан ешбір оқиғаға қатысы жоқ екенін атап өтті.
Жаттығулар "Еуропаның солтүстік-батысында" - Бельгия мен Ұлыбританияның әуе кеңістігінде, сондай-ақ Солтүстік теңіздің үстінде өтеді. Жауынгерлік қару қолданылмайды.
"Бұл жаттығулар альянстың ядролық тежеу құралының қауіпсіздігін, сенімділігін және тиімділігін қамтамасыз етуге көмектеседі", - деді НАТО баспасөз хатшысы Оана Лунгеску.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Г. Досымшалова