Дәрігер қант диабетімен ауыратындар үшін қауіпті көкөністі атады

Картоп 1 және 2 типті қант диабетімен ауыратындар үшін ең қауіпті көкөніс. Бұл туралы диетолог Михаил Гинзбург "Москва 24" арнасына берген сұхбатында айтты, - деп хабарлайды Massaget.kz тілшісі.

Дәрігердің сөзінше, бұл көкөністің гликемиялық индексі жоғары.

"1 типті қант диабетімен ауыратындар үшін картопты жеу аса қауіпті. Өйткені картоп сіңу үшін инсулинді қажет етеді. Ал 1 типті қант диабетінде инсулин жоқ. Сондықтан қант диабетінің декомпенсациясын тудыруы мүмкін", - деп ескертті дәрігер.

Диетолог картопта крахмал көп екенін де атап өтті.

"2 типті қант диабетімен ауыратын науқастарда картопты жегеннен кейін қандағы қант деңгейі күрт көтеріліп, қант диабетінің клиникасы ауырлайды", - деді Гинзбург.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!