Қазақстандық студенттерге білім кредиттері беріле бастайды

Қазақстандық студенттерге білім беру кредиттері беріледі, - деп хабарлайды Massaget.kz тілшісі Ғылым және жоғары білім министрлігінің баспасөз қызметіне сілтеме жасап.

"Қазақстандықтардың жоғары білім алуға қолжетімділігін арттыру үшін сараланған гранттар жүйесін енгізуден басқа, жылдық 2-3 пайызбен жеңілдікті білім беру кредиттерін алу мүмкіндігі де беріледі.
Қолданыстағы заңнамаға тиісті түзетулер енгізу бойынша жұмысты Қазақстан Республикасы Ғылым және жоғары білім министрлігі әзірлеп жатыр.

Бұл бастама Мемлекет басшысының 2024 жылғы 1 қаңтардан бастап 18 жасқа толғанға дейін Ұлттық қордан балалардың арнайы жинақтаушы шоттарына қаражат аудару тапсырмасы берілген Жолдаудан берген тапсырмаларына жауап береді", - делінген хабарламада. 

Кәмелетке толғаннан кейін жинақталған сомалар білім алуға пайдаланылуы мүмкін екені хабарланды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!