ІІ Елизаветаның жерлеу рәсімі: Қазақстаннан кім барды?

ІІ Елизаветаның жерлеу рәсімі: Қазақстаннан кім барды?
Фото: Сенаттың баспасөз қызметі

Сенат спикері Мәулен Әшімбаев Ұлыбританияда ІІ Елизаветаны мемлекеттік жерлеу рәсіміне қатысты, - деп хабарлайды Massaget.kz тілшісі.

Парламенттің жоғарғы палатасының төрағасы Қазақстан Президентінің тапсырмасымен Лондонға ұшып барған.

"18 қыркүйекте Сенат төрағасы Вестминстер холында патшайыммен қоштасу рәсіміне қатысып, көңіл айту кітабына Қазақстан Республикасы атынан жазба қалдырды. Ол II Елизавета ерекше көшбасшы және ұлттың бірлігі мен тұрақтылығы символы болғанын, оның ерекше тектілігі, қадір-қасиеті мен жетістіктері бүкіл әлемдегі миллиондаған адамды шабыттандыратынын атап өтті", - делінген хабарламада.

Сол күні Мәулен Әшімбаев Букингем сарайында Ұлыбритания патшасы III Чарльзбен сөйлескен.
 
19 қыркүйекте құрамында сыртқы істер министрінің орынбасары Роман Василенко бар қазақстандық делегация Вестминстер аббаттығында патшайым II Елизаветаны жерлеу рәсіміне қатысқан. Салтанатты шараға патша отбасы мүшелері, мемлекет және үкімет басшылары, дипломаттар мен қоғам өкілдері бар 2000-ға жуық қонақ қатысқан.

Айта кетейік, II Елизавета 97 жасқа қараған шағында қайтыс болған еді.

@massaget.kz Ендігі тақ мұрагері кім? #Ұлыбритания #елизавета2 #королева #патша ♬ оригинальный звук - Massaget.kz

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Ж. Қадыржанова