Танымал қазақстандық әнші Димаш Құдайберген Геннадий Головкин мен мексикалық Сауль "Канело" Альварес жекпе-жегінде Қазақстанның Әнұранын орындайды, - деп хабарлайды Massaget.kz тілшісі.
Дәстүр бойынша жекпе-жек басталар алдында Әнұран айтылады. Жекпе-жек Қазақстан уақыты бойынша 18 қыркүйек, жексенбі күні таңертең өтеді. Бұған дейін оны Qazaqstan және Qazsport телеарналары тікелей эфирде көрсететіні белгілі болды.
Айта кетейік, қазақстандық боксшы Геннадий Головкин мен мексикалық Сауль Альварес 17 қыркүйекте екінші орта салмақта үшінші мәрте кездеседі. Жекпе-жек Лас Вегас қаласындағы T-Mobile Arena-да өтеді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!