UFC файтері Хамзат Чимаев бірінші раундта қарсыласын жеңді
Фото:
©instagram.com/khamzat_chimaev/
UFC 279 турнирінде шешен тектес швед Хамзат Чимаев америкалық Кевин Холландты жеңді, - деп хабарлайды Massaget.kz тілшісі.
Чимаев жекпе-жектің алғашқы секундтарында-ақ америкалыққа тап беріп, қылқындыру әдісімен жеңді.
Қазір Чимаевтың еншісінде 12 жеңіс бар. Холландқа келетін болсақ, бұл оның мансабындағы сегізінші және UFC-дегі бесінші жеңілісі (10-5).
Видео кадры
Бастапқыда Хамзат Чимаев америкалық Нейт Диаспен жұдырықтасуы керек еді, бірақ ол жартылай орта салмақтағы шекті орындамай, UFC басшылығы бірден үш жұпты ауыстыруға мәжбүр болды. Бастапқыда Холланд Даниэль Родригеспен жекпе-жек өткізуі керек болған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Д. Шәріпхан