Алматылық әйел қызымен бірге балалар арбасын ұрлап жүрген, - деп хабарлайды Polisia.kz.
Басылым мәліметінше, Алматыда 25 жастағы әйел бірнеше мүліктік қылмыс жасағаны үшін ұсталды. Ол тұрғын үйлердің кіреберістерінен балалар арбасы мен сәбилерге арналған велосипедтерін ұрлап жүрген.
"Бейнебақылау камераларынан аталған әйелдің туған қызының көзінше еш қымсынбастан бірнеше рет қылмыс жасағаны анықталды. Қазір азамат А-ның бөтеннің мүлкін ұрлау бойынша сегіз жағдайға қатысы бары дәлелденді", - деді Бостандық аудандық полиция басқармасының бастығы Думан Аухадиев.
Полиция әйелдің осыған ұқсас өзге қылмыстарға қатысы бар-жоғын тексеріп жатыр.
Соталды тергеу шаралары ҚР ҚК 188-бабының 2-бөлігі бойынша қолға алынды.