Шымкентте ер адам 16-қабаттан құлап кетті

Шымкентте ер адам 16-қабаттан құлап, қайтыс болды. Оқиға "БИИК" тұрғын үй кешенінде болған, - деп хабарлайды Massaget.kz тілшісі.

Маңайдағы куәгерлер марқұмның бұл тұрғын үйде тұрмайтынын, пәтерді бірер күн бұрын жалға алғанын айтты.

— Полициялар келді ғой, бәрі осы жерде болды. Солар айтты.

— Не деп айтты?

— Барып ана жатқан пәтерін көріпті.

— Тағы не деді ол кісілер?

— Осы жерге 2-3 күн болып қалды-ау келгеніне ол баланың. Алдын көрменмін. Неше күнге алғанын білмеймін. 16-қабаттан түсті ғой.

Қазір оқиғаның мән-жайы тексеріліп жатыр.

Марқұмның өзіне қол салғаны немесе 16-қабаттан абайсызда құлағанын полция анықтайды. Ал оқиғаға қатысты қылмыстық іс "Өзiн-өзi өлтiруге дейiн жеткiзу" бабы бойынша тіркелген.

"Аталған жайтты Тұран ауданының полиция басқармасы ҚР ҚК-нің 105 бабы, яғни "Өзiн-өзi өлтiруге дейiн жеткiзу" бойынша тіркелді. Тергеп-тексеру жұмыстары жүргізіліп жатыр", - деп хабарлады Шымкент полиция департаменті.

Instagram парақшамызға жазылып, ең қызықты ақпараттарды бірінші болып оқыңыз!