Төреғали Төреәліні 25 мың халық он сағат бойы тік тұрып күткен

Танымал әнші Төреғали Төреәліні 25 мың адам концерт алаңында он сағат бойы тік тұрып күткен екен, - деп хабарлайды Massaget.kz тілшісі.

Бұл туралы Төреғали Төреәлі өзінің әлеуметтік желідегі парақшасында мәлімдеді. 

"Мен Алматыдамын. Алматыға келе сала жұмыстарды бастап кеттік, әзірге Ақсуаттағы концерттегі қызықтармен бөлісейін", - деген ол өзі көлікте отырып түсірген терезедкн қолын ұстауға тырысқан фанат балалардың видеосын жариялады. 

"Халқым мені, мен халқымды сағынып қалыппыз. Аллам абыройдан айырмасын", - деген әнші сахнада түсірген видеоларымен де бөлісті. 

"Көптен күткен Төреш ағаны 10 сағат бойы тік тұрып күтіп тұрды. 25 мың халық 20.00-ден бастап күтті. Осындай керемет эмоция сыйлаған жандарға мың алғыс", - деген тыңдарманының пікірін де желіде жариялады әнші. 

Ақсуат халқы расымен Төрешті сүйіп тыңдап, ұзақ күткен сияқты. 

Өзекті жаңалықтарды өз уақытында оқу үшін Facebook парақшамызға жазылыңыз!