Заңсыз активтер: Қазақстан жүздеген миллион долларды қай елдерден қайтарып жатыр?

Cыбайлас жемқорлыққа қарсы іс-қимыл агенттігінің төрағасы Асхат Жұмағали алқа отырысы барысында жемқорлық қылмыстарынан келтірілген залалды өтеу және заңсыз алынған активтерді қайтару жөніндегі жұмыстың маңыздылығын атап өтті, - деп хабарлайды Massaget.kz тілшісі.

Сыбайлас жемқорлыққа қарсы қызмет аяқталған қылмыстық істер шеңберінде жыл басынан бастап шамамен 195 миллиард теңгені өтеді.

Агенттік 2,5 жылда, оның ішінде олигополиялар тарапынан Қазақстан халқына 1,07 триллион теңгені қайтарды.

"Бұл жұмыс – БҰҰ-ның тиісті Конвенциясында белгіленген жемқорлыққа қарсы күрестің іргелі халықаралық қағидаты. Қазіргі жағдайда қаражат көбінесе басқа юрисдикцияларға шығарылады, сондықтан ұрланғанды анықтау және қайтару бойынша халықаралық ынтымақтастық маңызды.   Агенттік халықаралық құқық қорғау желілерімен – БҰҰ жанындағы GlobE, Эгмонт, CARIN және ARIN тобымен белсенді ынтымақтастық жүргізуде, бұл шетелдік серіктестермен ақпарат алмасуды айтарлықтай жеделдетеді және жеңілдетеді", - делінген хабарламада.

Сонымен бірге ведомство Аустрия, Франция, Лихтенштейн, Әмірліктер, Түркия, Ресей және басқа елдерден елге 736 млн доллардан астам ақша, бағалы қағаздар, жылжымайтын мүлік, зергерлік бұйымдар қайтарылғанын мәлімдеді.

Бүгінгі таңда Агенттік сыбайлас жемқорлыққа қарсы ведомстволармен 13 меморандум жасасты, оның төртеуіне қол қойылды.

"Бұл Әзірбайжан, Гонконг, Қатар және Ресей. Сыбайлас жемқорлыққа қарсы қызметтің жоспарында үш негізгі вектор – Еуропа, Таяу Шығыс және Оңтүстік-Шығыс Азия ынтымақтастығын одан әрі кеңейту көзделген", - деп хабарлады Антикор.

Instagram парақшамызға жазылып, ең қызықты ақпараттарды бірінші болып оқыңыз!