Жаңатаста 47 үй мен 400 ауланы су басып қалды
Жамбыл облысы Жаңатас қаласындағы 13 көшеде 47 үй, бір әлеуметтік нысан және 400 аула су астында қалды, - деп хабарлайды Massaget.kz тілшісі облыстық төтенше жағдайлар қызметінің баспасөз қызметіне сілтеме жасап.
"7 шілде күні сағат 17:20-да Сарысу ауданында нөсер жауынның салдарынан Жаңатас қаласының 13 көшесінде 47 тұрғын үйді, бір әлеуметтік нысанды және 400 ауланы су басты", - делінген хабарламада.
Посмотреть эту публикацию в Instagram
Сондай-ақ, Жаңатас - Саудакент аудандық маңызы бар тасжолды да су шайып кеткен. Жол жабылды. Арнайы техникалар арқылы суды сорып, жолдың топырағын көтеру жұмыстары жүргізіліп жатыр.
Тұрғындарға көмек көрсету жұмыстары да жүргізіліп жатыр. Бұл үшін жергілікті атқарушы органдардан, Төтенше жағдайлар департаментінен және полициядан 231 адам, 53 техника, 24 мотопомпа және дрон жұмылдырылған.
Посмотреть эту публикацию в Instagram
"Қазіргі уақытта су деңгейі төмендеді, зардап шеккендер мен зардап шеккендер жоқ. Мал шығыны жоқ. Зардап шеккен тұрғындарды қабылдау үшін М.Әуезов атындағы мектепте 45 орын және орталық ауруханада 60 орын дайындалды", - деп хабарлады Жамбыл облыстық төтенше жағдайлар департаменті.
Instagram парақшамызға жазылып, ең қызықты ақпараттарды бірінші болып оқыңыз!
М. Лұқпан