Алматы қаласының әкімдігі Абай-Масанчи қиылысында орналасқан теміржол ауруханасы ретінде белгілі, бұрынғы оқу-клиникалық орталығының ғимаратын 2024 жылдың соңында жөндеуге кіріседі. Әкімдік ғимаратты бұзбайды, ал жөндеу жұмыстары 2024 жылдың желтоқсанында басталады, - деп хабарлайды Massaget.kz тілшісі "BES.media" сілтеме жасап
Ғимарат ауысымына 250 келушіге арналған қалалық балаларды оңалту орталығына айналады. Ол 18 жасқа дейінгі тірек-қимыл аппараты аурулары бар, балалар церебральды сал ауруына шалдыққан, сөйлеу патологиясы және ақыл-ой дамуының ауытқуы бар балаларды кешенді оңалтуға арналған.
Алматы қаласы құрылыс басқармасы қазіргі уақытта жобаның әзірленуі аяқталуға жақын екенін, медициналық жабдықтар тізімінің клиникалық-техникалық негіздемесі бойынша қорытынды алынғанын хабарлады.
"Объект архитектуралық ескерткіш болғандықтан, жоба бойынша қасбеттің бастапқы көрінісін заманауи материалдармен қалпына келтіру көзделген. Жұмыс "Қазреставрация" кәсіпорнының мамандарымен бірлесіп жүргізілуде", - деп хабарлады басқарма.
Алматы әкімдігі бұл ғимаратты балаларды оңалту орталығына қайта құруды 2023 жылы бастаймыз деп уәде берген еді. Кейін - 2024 жылдың бірінші тоқсанында деп шегерді. Енді реконструкцияны 2024 жылдың соңында, қыста бастаймыз деп уәде етіп отыр.
Бұрынғы теміржол ауруханасының ғимараты көптен бері бос тұрған. Ғимарат 1948 жылы салынған. Ол бірнеше рет өртке оранған. ТЖД мәліметінше, соңғы рет өрт осы жылдың бірінші шілдесінде 15 шаршы метр аумақта қоқыс жанған кезде болды.
Алматы қаласы мемлекеттік активтер басқармасының мәліметінше, ғимарат бұрын "Оқу-клиникалық орталығы" ЖШС-не тиесілі болған. Бұл ЖШС өз кезегінде "Апаттар медицинасының теміржол госпитальдары" АҚ құрамына кірген. АҚ қайта құрылымдалғаннан кейін ғимарат республикалық меншікке, одан кейін Алматы әкімдігінің балансына берілді.
2021 жылдың көктемінде объект жергілікті маңызы бар тарих және мәдениет ескерткіштері тізіміне енгізілді.
Қызықты жаңалықтар мен видеоларды көру үшін TikTok арнамызға жазылыңыз!