Алматы метросындағы пойыздар тоқтап қалды

Кеше, 28 маусымда Алматы метросында техникалық ақаудың салдарынан пойыздар кешікті, - деп хабарлайды Massaget.kz тілшісі.

"Құрметті жолаушылар, пойыздар техникалық ақауға байланысты кешігіп жатыр", - деді метро операторы дауыс зорайтқыш арқылы.

Қала тұрғындары пойызды күтіп қалған.

Алматы метрополитенінің баспасөз қызметі бұған қатысты түсінік берді.

"Сағат 21:54-те метрополитен пойыздарының қозғалысы техникалық себептерге байланысты тоқтатылды. Мамандар қажетті сараптама жүргізіп жатыр. Пойыздарда жолаушылар жоқ, барлығы платформаларға жеткізілді. Алматы митрополиті келтірілген қолайсыздықтар үшін кешірім сұрайды", - деп хабарлады компания.

Қозғалыс 28 маусымда сағат 22:46-да қалпына келтірілген.

Өзекті жаңалықтарды өз уақытында оқу үшін Facebook парақшамызға жазылыңыз!