Астанадағы жаңа камералар жүргізушілердің қандай әрекетін түсіріп алады?

Астаналық көлік жүргізушілері ерекше камераны байқап қалды. Бұл қандай камера? Tengri Auto тілшілері анықтаған, - деп хабарлайды Massaget.kz. 

Астана әкімдігінің цифрландыру және мемлекеттік қызметтер басқармасының мәліметінше, астанада жол және қоғамдық қауіпсіздік деңгейін арттыру үшін жасанды интеллект технологияларын қолдана отырып, пилоттық жоба іске қосылған. Жоба аясында Ш. Айтматов көшесі бойынша Қорғалжын тасжолы жағынан Қ. Мұхамедханов көшесіне қарай аппараттық-бағдарламалық кешен орнатылған.

Құрылғыда бірнеше ақпарат қамтылады:

• кері қозғалыс;
• бір жақты жолақ бойынша қозғалыс ережелерін сақтамау;
• тұрақ ережелерін бұзу;
• қатты сызықтың қиылысы;
• жолдағы қос тұтас сызықтан өтіп кету;
• бос емес қиылысқа кіру;
• көлік құралының қозғалыс жолақтарында бұрылу ережелерін бұзу;
• автобус жолағын өтіп кету;
• көліктен түтіннің шығуы;
• көлік құралының бағдаршамның қызыл жарығына өтуі;
• көлік құралдарының жақындауы;
• қауіпсіздік белдігін тақпаған жүргізуші;
• жүргізушінің телефонмен сөйлесуі.

Сонымен қатар, басқарма мәліметінше, пилоттық жобаның қолданылу кезеңінде жүргізушілер ереже бұзған жағдайда әкімшілік шаралар қолданылмайды.