Есту қабілетінің нашарлағанын үй жағдайында қалай анықтауға болады?

Есту қабілетіңізді үйде екі әдіспен бағалауға болады: қосымша немесе жақын адамдардың көмегімен. Бұл туралы сурдолог-оториноларинголог Яна Щербакова айтты, - деп хабарлайды Massaget.kz тілшісі "Газета.руға" сілтеме жасап.

"Үйде жақыныңызды сізден 5-6 метрге алыстап, бірдеңе сыбырлап айтуын сұраңыз. Әдетте, мұндай қашықтықта сыбырлау естіледі, ал сіз айтылған сөзді дұрыс естімесеңіз, маманға хабарласқан жөн. Бұл диагнозды кез келген жаста жасауға болады, бірақ 45 жастан кейін сурдологқа жиі барып, тексерілген дұрыс", - деді дәрігер.

Сондай-ақ, смартфонға немесе компьютерге жүктеуге болатын арнайы қосымшалар бар.

"Мұндай қосымшалардың кейбіреулері әр құлақтың есту қабілетін бөлек анықтауға, есту қабілетіңізге сәйкес келетін жасты анықтауға мүмкіндік береді. Мұндай қосымшаны табу үшін іздеу жүйесіне "есту сынағы" деп енгізу жеткілікті", - деді сурдолог.

Сонымен қатар, Яна Щербакова қауіпті факторлардың болуын және әсерін бағалауға кеңес берді, оның ішінде шулы жағдайларда жұмыс істеу, физикалық белсенділіктің жоғарылауы, дұрыс тамақтанбау, алкоголь және темекі шегу, пассивті де, белсенді де, белгілі бір препараттар мен аурулармен ауыру кіреді.

Тағы да оқи отырыңыздар: Марқұмның нәзір-құзырын беру деген не?

Қызықты жаңалықтар мен видеоларды көру үшін TikTok арнамызға жазылыңыз!