"Қолында тапаншасы бар". Талдықорғанда демалыс орнында төбелес болды
Фото:
Видеодан алынған кадр
15 маусымда Талдықорғанның демалыс орындарының бірінде оқ атылды. Оқыс оқиғаның видеосы Instagram-дағы Taldykorganec.insta парақшасында жарияланды, - деп хабарлайды Massaget.kz тілшісі.
Жетісу облысының полиция департаменті бастапқыда тәртіп сақшылары жанжалдың барлық мән-жайларын анықтап, тексеру жүргізіп жатқандарын хабарлады.
Посмотреть эту публикацию в Instagram
Кейінірек ПД төбелеске қатыстылардың барлығы ұсталғанын айтып, олардың бірі әскери адам екенін растады.
"Төбелесті бастағандардың анықталғанын хабарлаймыз, олардың бірі - әскери қызметші. Аталған факті бойынша тергеуді әскери-тергеу басқармасы жүргізеді", - делінген хабарламада.
Аптаның басты оқиғалары мен пайдалы видеоларды көру үшін YouTube арнамызға жазылыңыз
А. Жайыққызы