Pinduoduo сайтынан тауар алдыртамын деп адамдарды алдаған ақтөбелік ұсталды

Pinduoduo сайтынан тауар алдыртамын деп 4 адамды алдаған ақтөбелік ұсталды, - деп хабарлайды Massaget.kz тілшісі Polisia.kz сайтына сілтеме жасап.

Ақтөбе облысының тұрғыны Instagram қосымшасында түрлі тауарларды сату және жеткізу бойынша "turkey_pinduoduo" деген атпен парақша ашып, бірнеше азаматты алдаған. Оның айла-амалдарына үй тауарларын тиімді бағамен сатып алғысы келген 4 қазақстандық тап болды.

Мысалы шаңсорғыш сатып алғысы келген Өскемен қаласының тұрғыны күдіктімен хат алмасып, оған 70 мың теңге аударған. Алайда тауарды ала алмаған. Полиция осы қылмысты жасады деген күдікпен 35 жастағы ер адамды анықтап, ұстады. Алаяқтық фактісі бойынша сотқа дейінгі тергеп-тексеру жүргізіліп жатыр. Күдікті уақытша ұстау изоляторына қамалды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!