Полиция полковнигі Рустам Әбдірахманов жаңа қызметке тағайындалды

Полиция полковнигі Рустам Әбдірахманов жаңа қызметке тағайындалды, - деп хабарлайды Massaget.kz тілшісі.

"Қазақстан Республикасы ІІМ-нің 2024 жылғы бұйрығымен полиция полковнигі Рустам Тұралыұлы Әбдірахманов Қазақстан Республикасы ІІМ Жедел-криминалистикалық департаментінің бастығы болып тағайындалды. Бұған дейін ол Алматы облысы ПД бастығының орынбасары қызметін атқарған", - деп хабарлады ІІМ Академиясы.

Рустам Әбдірахманов ҚР ІІМ Алматы академиясының басшы құрамын даярлау факультетінің түлегі.

Еске сала кетейік, 2019-2022 жылдары Әбдірахманов Алматы қаласы полиция департаменті бастығының орынбасары болған. Содан кейін Алматы облысы ПД бастығының орынбасары лауазымына ауысып, жаңа тағайындалғанға дейін жұмыс істеді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!