Синоптиктер алдағы күндерге арналған ауа райы болжамын жариялады, - деп хабарлайды Massaget.kz тілшісі.
Алдағы күндері Қазақстанның басым бөлігінде ауа райы тұрақсыз болады, бірнеше өңірде жаңбыр жауады, 7-8 маусымда солтүстікте, 7 маусымда орталықта, 8 маусымда шығыста найзағай ойнап, жел соғып, қатты жаңбыр жауады, солтүстікте, батыста, орталықта, шығыста бұршақ жауады.
"Елдің оңтүстігінде +35+43 градусқа дейін қатты ыстық, оңтүстік-шығыста +35+40 градусқа дейін ыстық болады деп болжанып отыр. Елдің батысында 6-7 маусымда күндіз +30+38 градус болады, 8 маусымнан бастап +25+30 градусқа дейін төмендейді. Солтүстікте, солтүстік-батыста, орталықта күндіз +22+30 градустан +20+25 градусқа дейін аздап төмендейді", - деп жазылған хабарламада.
Instagram парақшамызға жазылып, ең қызықты ақпараттарды бірінші болып оқыңыз!