Жезқазған қаласында 90 000 гектардан астам жер мемлекет меншігіне қайтарылды, - деп хабарлайды Massaget.kz тілшісі облыс әкімдігінің баспасөз қызметіне сілтеме жасап.
Жезқазғанда пайдаланылмай жатқан ауыл шаруашылығы жерлерін мемлекет меншігіне қайтару жұмыстары қарқынды жүргізілуде.
"2014 жылы 90 747 га жер телімі "Өсімтал" ЖШС-не ауыл шаруашылығы өндірісін жүргізу үшін берілген. Алайда, "Өсімтал" ЖШС мақсатына сай пайдаланбағанын ескере отырып, 2023 жылы "Жезқазған қаласының жер қатынастары бөлімі" ММ талап арыз беріп, 2024 жылы мемлекет меншігіне қайтарды", - делінген хабарламада.
Өткен жылы да 4000 гектардан астам жер мемлекет меншігіне өткен еді. Бұл бағыттағы жұмыстар жалғаса бермек.
Аптаның басты оқиғалары мен пайдалы видеоларды көру үшін YouTube арнамызға жазылыңыз