Құлсарыда су айдау жұмыстары кезінде өрт сөндіру бөлімінің командирі қайтыс болды

29 мамырда Атырау облысы ТЖД №1 мамандандырылған өрт сөндіру бөлімінің бөлімше командирі 2001 жылы туған азаматтық қорғау сержанты Бейбарыс Жалғасбайұлы Рақым қайтыс болды, - деп хабарлайды Massaget.kz тілшісі ТЖМ баспасөз қызметіне сілтеме жасап.

Ведомство мәліметінше, қайғылы оқиға Атырау облысы Жылой ауданының Құлсары қаласында су сору бойынша авариялық-құтқару жұмыстарын жүргізу барысында болған. Оқиғаның мән-жайы анықталады. 

"Төтенше жағдайлар министрлігі Бейбарыс Жалғасбайұлының туыстары мен жақындарына көңіл айтады. Ол өз ісінің кәсіби маманы ретінде есімізде мәңгі қалады. ТЖМ қаза тапқан өрт сөндірушінің отбасына жан-жақты көмек пен қолдау көрсетеді", - делінген хабарламада.

Тағы да оқи отырыңыздар: Қазақша күн және түн мезгілдерінің атаулары

Instagram парақшамызға жазылып, ең қызықты ақпараттарды бірінші болып оқыңыз!