Қазір дүкен сөрелерінде тамақ дайындауға арналған майлардың алуан түрі бар. Гастроэнтеролог Наталья Морозова тағамды қандай майға дайындау керегін, сондай-ақ әртүрлі майлардың пайдасы мен зияны туралы айтты, - деп хабарлайды Massaget.kz тілшісі "Известияға" сілтеме жасап.
"Тағамды дайындау кезінде қай майды қолданатыңыз майдың түріне және тамақты пісіру әдісіне байланысты. Мысалы мынандай жалпы нұсқаулар бар: қуыру, қыздырып пісіру үшін тазартылған өсімдік майы (күнбағыс, жүгері, соя), кокос майы немесе Extra Virgin зәйтүн майы сияқты жоғары қайнау температурасындағы майларды қолданған дұрыс. Ал тұздыққа қосу үшін Extra Virgin зәйтүн майы, күнжіт немесе зығыр майы сияқты тазартылмаған суық сығымдалған майларды қолданған жөн", - деді дәрігер.
Маманның сөзінше, майлар пайдалы және ықтимал зиянды қасиеттерге ие. Май жоғары калориялы өнім екенін есте ұстаған жөн. Майдың калория мөлшері оның құрамындағы сүт майының пайызына байланысты 650-ден 800 калория /100 граммға дейін болуы мүмкін. Әр түрлі өсімдік майларының калория мөлшері шамамен 900 калория / 100 граммға тең.
"Кез келген май - бұл әр адамға қажет майлардың көзі. Күнжіт, кокос, соя майы антисептикалық қасиеттері бар қаныққан май қышқылдарына бай, саңырауқұлақтар мен патогендік микрофлораның өсуін тежеуге көмектеседі. Алайда, қаныққан май қышқылдарын шамадан тыс тұтыну "жаман" холестерин деңгейіне әсер етуі мүмкін және артық салмақтың жоғарылауы мен семіздіктің, жүрек-қан тамырлары патологиясының және қант диабетінің даму қаупінің факторы болады", - деп түсіндірді маман.
Сонымен қатар, ол зәйтүн, күнбағыс, зығыр және жержаңғақ майларында, сондай-ақ орман жаңғағының майында ағзадағы метаболикалық процестердің тепе-теңдігіне қажет, жүрек-қан тамырлары ауруларының алдын алу үшін маңызды моноқанықпаған май қышқылдары (омега-9) көп мөлшерде болатынын айтты.
Зәйтүн, жүгері, зығыр, күнбағыс, соя, күнжіт, қыша, асқабақ және балқарағай майлары, сондай-ақ жүзім тұқымы майы триглицеридтердің төмендеуіне ықпал ететін және қан плазмасының липопротеин профилін жақсартатын полиқанықпаған май қышқылдарына (омега-3 және омега-6) бай. Олар сондай-ақ балалық шақта ағзаның қалыпты өсуі, жүйке жүйесінің дамуы, көру, иммундық функцияларды қамтамасыз ету үшін қажет.
Сонымен қатар, барлық өсімдік майы А және Е дәрумендеріне бай.
"Күнбағыс майы - пайдалы қасиеттері бар және барлық өсімдік майында болатын омега-3,6,9 қанықпаған май қышқылдарының көзі. Күнбағыс майының құрамында А, Д, К сияқты дәрумендер бар, әсіресе оның құрамында антиоксидант — Е дәрумені бар. Күнбағыс майының ең құнды ингредиенттері - "жаман" холестерин деңгейін төмендетуге көмектесетін Омега-6 май полиқанықпаған қышқылдары. Нәтижесінде атеросклероздың даму қаупі азаяды. Күнбағыс майы барлығына пайдалы. Егер бұл өнімге жеке төзбеушілік байқалса, майлардың басқа түрлерімен ауыстыру керек", - деп қосты маман.
Сондай-ақ, ол жүзім тұқымының майы аспаздық мақсатта өте жақсы нұсқа екенін жеткізді. Оның бейтарап дәмі, антиоксиданттары мен полиқанықпаған май қышқылдары жоғары, бұл оны жүрек-қан тамырлары саулығына пайдалы етеді.
Тағы да оқи отырыңыздар: Бауырынан табақ жүгірту деген қандай ырым?
Өзекті жаңалықтарды өз уақытында оқу үшін Facebook парақшамызға жазылыңыз!