Түркістан облысында Сирия азаматтары заңсыз аңшылықпен айналысқан
Түркістан облысы Созақ ауданы мен Шымкентте Қызыл кітапқа енген жануарлар мен құстарды заңсыз атқандар ұсталды, - деп хабарлайды Massaget.kz тілшісі.
Полиция мәліметінше, олар дериваттарды сақтады және сатты деген күдікке ілінген.
"7 адам ұсталды. Полицияға жеткізілгендердің төртеуі - Қазақстан азаматы, ал қалған үшеуі - елімізде тұруға ықтиярхаты бар Сирия азаматтары", - деп жазылған хабарламада.
Тінту барысында полиция олардан 382 ақбөкен мүйізін, 119 томаға, 20-дан аса құс ұстауға арналған тұзақ, 7 рация, аңшылық мылтық, 1 пневматикалық мылтық, оптикалық көру құралы, жарықтандырғыш, бинокль, шамамен 15 келіге жуық арқар еті және басқа да заттай дәлелдер тәркіледі.
Посмотреть эту публикацию в Instagram
Браконьерлік дерегі бойынша қылмыстық іс қозғалды. Мемлекетке келтірілген шығынның алдын ала есептелген көлемі 1 миллиард теңгеден асады.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова