Құтқарушылар Шымбұлақ шыңына шыққан екі қызды құтқарды
Фото:
ТЖМ
Іле Алатауы тауында туристің денсаулығы нашарлаған. ТЖМ құтқарушылары көмекке келді, - деп хабарлайды Massaget.kz тілшісі.
Ведомство мәліметінше, 9 мамырда 4 адам Шымбұлақ шыңына (3450 метр) көтерілген. Жоғарғы жаққа шыққан соң қыздың хәлі нашарлап, өздігінен түсе алмаған.
"Көмек көрсету үшін оқиға орнына Республикалық жедел-құтқару жасағының құтқарушылары, оның ішінде кинологиялық есеп жіберілді. Түнде РЖҚЖ құтқарушылары туристерге жетіп, екі қызға алғашқы көмек көрсетіп, оларды тасымалдауға кірісті", - деп жазылған министрлік хабарламасында.
Құтқарушылар туристерді РЖҚЖ көлігі тұрған жерге жеткізіп, апаттар медицинасы орталығының дәрігерлеріне тапсырған.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова