Қызылордада оқушы қылмыскерді ұстауға көмектескен

Қызылорда қалалық Полиция басқармасының бастығы қылмыскерді ұстауға көмектескен оқушыны марапаттады, - деп хабарлайды Massaget.kz тілшісі.

Қылмыскерді құрықтауға көмектескен Т.Рысқұлов атындағы №222 атындағы орта мектептің оқушысы - Айзере Сағидулла.

13 сәуірде Қызылорда қаласының тұрғыны 102 арнасына Volkswagen passat көлігінің терезесі ашық қалғанын пайдаланған адам көлік ішінен ақша ұрлап кеткенін хабарлаған.

Бұл хабарлама бойынша жедел тергеу тобы өз қызметін атқарып, көрген білгендерден сұрастырған. 10 жастағы Айзере Ермекқызы қылмыскер қалай көлікке кіргенін, оның ішінен ақша ұрлап жатқанын және қай бағытқа кеткенін айтып, қылмыскерді ұстауға септігін тигізген.

Басқарма бастығы Айзеренің бұл ерлігін бағалап, алғыс хатпен және бағалы сыйлықпен марапаттап, осындай тәрбиелі қызды өсіріп отырған ата-анасына алғыс білдірді.

Аптаның басты оқиғалары мен пайдалы видеоларды көру үшін YouTube арнамызға жазылыңыз