Су тасқыны болған өңірлерде азық-түлік бағасы көтерілген

Су тасқыны болған өңірлерде азық-түлік бағасы көтерілген. Сауда және интеграция министрлігі әкімдіктермен және өңірлік әлеуметтік кәсіпкерлік корпорациялармен бірлесіп, сауда нысандарындағы азық-түлік қорына тексеріс жүргізіп жатыр, - деп хабарлайды Massaget.kz тілшісі.

Ведомство мәліметінше, төтенше жағдай режимі жарияланған облыстарда тауарларды жеткізуде проблемалар байқалмаған.

Су тасқыны басталғаннан бері 10 өңірде әлеуметтік кәсіпкерлік көрпорациялардан 767 тонна әлеуметтік маңызы бар азық-түлік тауары сатылған:

• пияз – 429 тонна,
• картоп – 587 тонна,
• сәбіз – 332 тонна,
• қырыққабат – 246 тонна,
• ұн – 70 тонна,
• рожки – 9 тонна,
• қарақұмық жармасы – 2 тонна,
• күріш – 61 тонна,
• күнбағыс майы – 4 тонна,
• тауық еті – 7 тонна,
• қант – 37 тонна,
• тұз – 20 тонна. Сонымен қатар, 2224 дана жұмыртқа сатылды.

Су тасқыны кезеңінде әлеуметтік маңызы бар тауарлардың бағасын көтергені үшін 10 өңірде 46 әкімшілік қаулы шығарылған. Сонымен қатар, 6 айыппұл салынып, 40 ескерту берілді.

Мысалы, күнбағыс майына, жұмыртқаға, қарақұмыққа және сәбізге бағаны көтергені үшін Ақтөбе облысындағы 2 сауда нысаны және Атырау облысындағы 2 сауда нысаны қарақұмық, картоп, қырыққабат және қантқа бағаны көтергені үшін әкімшілік жауапкершілікке тартылды.

Аптаның басты оқиғалары мен пайдалы видеоларды көру үшін YouTube арнамызға жазылыңыз