Шымкентте ер адам жертөледе аса ірі көлемде марихуана сақтаған
Фото:
ІІМ
Шымкентте бір үйдің гаражының астынан аса ірі көлемде марихуана сақталған жертөле табылды, - деп хабарлайды Massaget.kz тілшісі.
ІІМ баспасөз қызметі мәліметінше, есірткі сатушыны қалалық полиция департаменті ұйымдасқан қылмысқа қарсы күрес басқармасының жедел уәкілдері құрықтаған. Оның гаражының жертөлесінде бір қап марихуана мен 200-ге жуық есірткі орамасы анықталды.
Жертөледе ер адам есірткіні өлшеп-орап, әрі қарай сату үшін сақтаған. Тәркіленген есірткі құралдарының салмағы 10 келіден асты, бұл аса ірі көлемге жатады. Күдікті қамауға алынды.
Қазіргі таңда тергеп-тексеру әрекеттері жүргізіліп жатыр.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова