Су тасқыны: 6 облыста маңызы бар жолдар жабылды
Фото:
t.me/qazavtojol
Елімізде су тасқынына байланысты 14 автомобиль жолы жабылды, - деп хабарлайды Massaget.kz тілшісі.
"2024 жылғы 10 сәуірдегі сағат 09:00-дегі жағдай бойынша халықаралық және республикалық маңызы бар автомобиль жолдарында ауа-райының жылынуы мен қардың тез еруі салдарынан 4 облыста (Ақмола, СҚО, Атырау, Қостанай) 8 жол жүру учаскесінде жалпы ұзындығы 3655 метр болатын су тасқыны болды", - деп хабарлады "Қазавтожол".
Жағдайға байланысты 6 облыста (Ақтөбе, Ақмола, Атырау, Қостанай, Маңғыстау, СҚО) республикалық маңызы бар 14 автомобиль жолына шектеу қойылды.
Қазіргі таңда республикалық жолдарда 365 бірлік техника мен 701 адам жұмылдырылған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Ордабаев