Мамандар бетке инъекциясыз күтім жасаудың бірнеше тәсілдерін айтты

Құрамында коллаген бар дұрыс таңдалған косметика жас теріні инъекциясыз сақтауға көмектеседі. Бұл туралы Бесінші арнаға берген сұхбатында косметолог-эстетик Ирина Ткачева айтты, - деп хабарлайды Massaget.kz тілшісі health.mail.ru-ға сілтеме жасап. 

Ол 30 жылдан кейін ағзадағы табиғи процестер баяулайтынын, сондықтан терінің қартаюымен күресетін өнімдерді таңдау маңызды екенін атап өтті.

"Коллаген - бұл тері ақуызы. Ал коллаген серпімділікке, тонусының жоғарылауына, жақсы өңге, жалпы бет контуры қалай көрінетініне, әжімдердің пайда болуына жауап береді", - деп түсіндірді Ткачева.

Бұл ретте сарапшы бет күтімінің кездейсоқ болмауы керектігін баса айтты.

"Бізге бетке жүйелі күтім жасау керек. Сіз бұл нәрсені әдетке айналдыруыңыз тиіс. Яғни, таңертең әрқашан бетіңізді жуып, SPF қорғанысы бар крем жағасыз. Кешке сарысу жағып, креммен жабыңыз. Сарысу кремнің әсерін күшейту үшін керек", - дейді косметолог. 

Диетолог Ирина Писарева өз кезегінде ағзадағы коллагенді көбейтуге көмектесетін тағамдарды жеу керегін айтты. Оларға жұмыртқа, жануар ақуызы, ет және балық кіреді.

Британдық дерматолог Джастин Клак бұдан бұрын диеталық қоспалар түріндегі коллаген терінің жастығын сақтауда тиімсіз екенін айтқан. Әжімдердің алдын алудың ең жақсы жолы - дұрыс тамақтану және күннен қорғайтын кремді қолдану екенін естен шығармаңыз.

Қызықты жаңалықтар мен видеоларды көру үшін TikTok арнамызға жазылыңыз!