Павлодар облысында мемлекеттік қызметкер парамен ұсталды

Павлодар облысында мемлекеттік қызметкер парамен ұсталды. Ол тракторшы куәлігін заңсыз дайындаған, - деп хабарлайды Massaget.kz тілшісі pavlodarnews.kz-ке сілтеме жасап.

Ақсу қалалық соты баспасөз қызметінің мәліметінше, 2024 жылғы ақпан айында "Ақсу қаласының ауыл шаруашылығы бөлімі" мемлекеттік мекемесінің бас маманы ауыл азаматынан ауыл шаруашылығы техникасын пайдалануға рұқсат беретін қағазды заңсыз дайындағаны үшін 100 мың теңге алған.

Мемлекеттік қызметкердің қылмыстарды жасаудағы кінәсі куәлардың айғақтарымен, оның мойындауымен, заттай және құжаттамалық дәлелдемелермен дәлелденді.

"Сот кінәсін мойындауын, жасаған әрекетіне өкінуін ескере отырып, айыпталушыға мемлекеттік қызметте, судья, жергілікті мемлекеттік органдарда және тағы басқа лауазымдарды атқару құқығынан өмір бойына айыра отырып, 5 миллион теңге көлемінде айыппұл тағайындады", – делінген хабарламада.

100 мың теңге көлеміндегі пара мемлекет пайдасына тәркіленді.

Үкім заңды күшіне енген жоқ.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!