Мәскеудегі теракт кезінде қаза тапқандар саны көбейді

Фото: видео кадры

23 наурыз 2024, 09:09

Ресейдің тергеу комитеті Мәскеудегі теракт кезінде қаза тапқандар саны 60-қа жеткенін мәлімдеді, - деп хабарлайды Massaget.kz тілшісі.

Ведомство мәліметінше, атыс болған концерт залында тергеу жұмыстары жүріп жатыр.

Мәскеу облысының губернаторының сөзінше, стационарларда зардап шеккен 115 адам жатса, оның 60-ының жағдайы ауыр.

"Қаза тапқандар саны 60-қа жетті, олардың саны әлі де көбеюі мүмкін", - делінген хабарламада.

Еске салайық, 23 наурызға қараған түні Ресейлік Telegram-арналар мен БАҚ-та Мәскеуде теракт болғаны туралы ақпарат тарады.