Қасиетті айлардың бірі әрі бірегейі - Рамазан айы келіп жетті. Балаға ата-анасы рұқсат бермесе ораза ұстауға бола ма? Бұл сұраққа Massaget.kz тілшісіне ҚМДБ мамандары жауап берді.
"Рамазан айында ораза тұту – әрбір ақыл-есі дұрыс, балиғат жасына жеткен ер мен әйел мұсылманға парыз. Оразаның парыз екендігін ата-анасына дін маманы арқылы түсіндіргені дұрыс. Ал әке-шеше баланың денсаулығына алаңдап жатқан болса, сенімді дәрігерлермен ақылдасқандары жөн", - делінген хабарламада.
Балиғат жасына жетпеген жас бала мен ақыл-есінен ауысқан адамға ораза тұту парыз емес. Пайғамбарымыз (оған Алланың салауаты мен сәлемі болсын) былай дейді:
"Үш адамнан (амал дәптерін жазатын) қалам көтерілді: айыққанға дейін жынданған адамнан, оянғанга дейін ұйқыдағы адамнан, балиғатқа толғанға дейін баладан".
Балиғат жасы ер балалар үшін 13 жас болса, қыз балалар үшін 10-11 жас аралығы.
Еске салайық, нутрициолог Ажниязова Айымгүл кей оқушы балалар сәресінде дұрыс тамақтанбайтындықтан, сабақта әлсіз болып, ұйықтап отыратынын айтты. Маман ораза кезінде қалай тамақтану керегін ұсынды.
Оқи отырыңыз: Алғаш рет ораза ұстайтын адамдар білуге тиіс негізгі нәрселер