Алматының Бостандық ауданы, әл-Фараби даңғылы 41/2 мекенжайындағы 17-қабатты тұрғын үй кешенінде өрт шықты, - деп хабарлайды Massaget.kz тілшісі.
Төтенше жағдайлар департаментінің қызметкерлері мен құралдары сағат 22:44-те оқиға орнына жетті.
Өрт көпқабатты үйдің 7-қабатында орналасқан пәтерден шыққаны анықталды, 40 шаршы метр аумақты шарпыған.
Кейбір тұрғындар өздері қауіпсіз орынға шығып үлгерген. Өртті сөндіруге автосаты қолданылған.
Өрт 23:01-де ауыздықталып, 23:08-де толығымен сөндірілді. Зардап шеккендер жоқ.
Аптаның басты оқиғалары мен пайдалы видеоларды көру үшін YouTube арнамызға жазылыңыз