ҰҚК киберқылмыс жасаған қарағандылықты ұстады
Фото:
gov.kz
ҰҚК мемлекеттік электрондық қызмет көрсету саласында киберқылмыс жасауда күдікті Қарағанды тұрғынын ұстады, - деп хабарлайды Massaget.kz тілшісі ҰҚК баспасөз қызметіне сілтеме жасап.
Күдіктіні Ұлттық қауіпсіздік комитеті прокуратура органдарының үйлестіруімен 30 қаңтарда ұстады.
Фото: gov.kz
Тінту кезінде 24 ұялы телефон, 4 жүйелі блок, 4 флеш-карта, 9 ноутбук, планшет алынды.
Алдын ала бағалауға сәйкес, залалдың сомасы 49 млн теңгеден көп.
Фото: gov.kz
Қылмыстық кодекстің 207-бабы 3-бөлігі 2-тармағымен қарастырылған қылмыстық құқықбұзушылық белгілері бойынша сотқа дейінгі тергеп-тексеру жүргізіліп жатыр.
Қызықты жаңалықтар мен видеоларды көру үшін TikTok арнамызға жазылыңыз!
С. Сатыбалдина