Кейбір тамақтану әдеттері ұйқы безіне зиян тигізеді. Бұл туралы гастроэнтеролог Наталья Слюняева айтты, - деп хабарлайды Massaget.kz тілшісі aif.ru-ға сілтеме жасап.
Ол ұйқы безінің дұрыс жұмыс істемеуі денсаулықтың ауыр проблемаларына, яғни панкреатитке, қант диабетіне, қатерлі ісікке және басқа да көптеген ауруға әкеп соғуы мүмкін екенін еске салды. Дәрігердің айтуынша, алкогольді тұтыну ағзаға теріс әсер ететін негізгі факторлардың бірі саналады. Слюняева ұйқы безінде де алкогольдің сіңуіне тікелей әсер ететін арнайы ферменттер жоқ екенін көрсетті.
Сонымен қатар, гастроэнтеролог кейбір майлар ағзаға зиян екенін ескертті. Мұндай заттар майонезде, маргаринде, сүтті шоколадта, кәмпиттерде және кейбір шұжықтарда көп болады. Дәрігердің сөзінше, көмірқышқыл газы мен қантты газдалған сусындардағы қанттың көп мөлшері асқазан-ішек жолдарындағы қабыну процестерін тудыруы да мүмкін.
Айта кетейік, бұған дейін қазақстандық невролог Ұлжалғас Сманова әлеуметтік желідегі парақшасында ұйқы безін емдейтін өнімдерді атады.
"Ұйқы безінің негізгі қызметі - тағамды ағзаға жақсы сіңдіретін майларды, ақуыздарды және көмірсуларды ыдырату. Салмағы бар-жоғы 70-80 грамм болса да, ол күніне 2 литр сөл бөліп, бүкіл зат алмасуға (қан мен бауырды тазалау, ас қорыту) белсенді қатысады", - дейді Ұлжалғас Сманова.
Өзекті жаңалықтарды өз уақытында оқу үшін Facebook парақшамызға жазылыңыз!